मुंबई महाराष्ट्राची आर्थिक राजधानी असून या कार्यालयाचे कार्यक्षेत्र असलेल्या ठाणे व पालघर जिल्ह्याशी जोडून असल्यामुळे भौगोलीक दृष्ट्या त्यास अनन्य साधारण महत्व आहे. या कार्यालयाचे कार्यक्षेत्रालगत मुंबई सह नाशिक, अहमदनगर, पुणे हे जिल्हे तसेच गुजरात राज्य व दादरानगर हवेली केंद्रशासित प्रदेश आहेत.

 मुंबई सार्वजनिक बांधकाम कोकण प्रादेशिक विभाग, मुंबई या कार्यालयाच्या अधिपत्त्यात हे कार्यालय कार्यरत असून या कार्यालयाचे अधिपत्त्याखाली येणाऱ्या ठाणे जिल्ह्याकरीता असलेल्या सार्वजनिक बांधकाम विभाग क्र.१, ठाणे व सार्वजनिक बांधकाम विभाग क्र.२, ठाणे आणि पालघर जिल्ह्याकरीता सार्वजनिक बांधकाम विभाग, पालघर व सार्वजनिक बांधकाम विभाग, जव्हार तसेच आदिवासी सा.बां. विभाग, ठाणे या कार्यालयांचे माध्यमातून नागरीकांशी बांधिलकी जपण्यास हे कार्यालया कटीबद्ध आहे.

 सार्वजनिक बांधकाम खात्याने निर्धारीत केलेल्या व पथदर्शित केलेल्या सार्वजनिक सेवा सौजन्यपूर्वक व सन्मानपूर्वक वागणूकीने उपलब्ध व्हाव्यात व नागरीकांचे सामाजिक प्रश्न सहानुभूतीपूर्वक सोडवावेत व त्यांचे बांधकाम खात्याविषयीचे हक्क प्रगतीच्या व विकासाच्या दृष्टीने अतिशय सुलभतेने पोहोचविण्याचा हा ध्यास आहे.